EM ÇAR BIRANE-Robar Bêwar

Em çar bira bûn

Bi yek beden û yek pêsîr

Çar birayên ne biramak

Xeyalên me her çaran li nav boxçika  dayika me

Gerdena rojê, me bi morikên elmasî nexş dikir

Heyhat heyhat!

Kurman dar kurmijand

Zêde bûn beko ewan

Tirk û erep, ecem û fars

Bûn çar parçe

Mîna dayîka xwe

Dûr man ji xwe

Çar birayên ne birmak

Guldexwîna çav li me kir

û stû tewandin ji êşan

Bê ziman, bê xak

Pêsîra dayika me di devê keftaran de

Gerdena xirxalî mêrga simmên hespên Moxolan

Guliyên herîrî balîvên serê hovan

Ker bûn guh zengê girt

Kor bûn çav mijê girt

Serê me danîn ser mizanê

Wan em firotin bi erzanî

Bi qîrîna dayika me ya kezep şewat

Li me nema hedar û tebat

Belê em çar  bira bûn

Çar birayên gernas 

Me ne koletî kir ne kuletî kir bazirganî

Em ne mirovên çavlider bûn

Heyhat heyhat!

Xebîs ket linav xewnên me

Stranên nîvço man singa dayika  me

Kesera dayika me hesreta çûyînê difûrîne

Nizanim çend caran kilaman destpêkir dîsa man qirika me

Belê em çar bira bûn

Çar bira yên yek bedenê

Em dizanin

Şev awisê rojê ye

Zivistan wê biharê bîne

Em ê dîsa xwe bi afirînin bi xweliya xwe

Belê em çar birane

Azadiya me ji me wêdetire...

Robar BÊWAR-War BOTAN

02.05.2017